Stock News: பாதாளம் நோக்கி பங்குச் சந்தை - சென்செக்ஸ் 900+ புள்ளிகள் வீழ்ச்சி!

சீனா மீதான அமெரிக்காவின் புதிய வரிவிதிப்பின் விளைவாக சர்வதேச அளவில் பங்குச் சந்தைகளில் வீழ்ச்சி நிலவுகிறது. இதன் தாக்கமே இந்தியப் பங்குச் சந்தைகளிலும் எதிரொலித்து வருகிறது. சென்செக்ஸ் கிட்டத்தட்ட 1000 புள்ளிகள் வீழ்ச்சி கண்டன.

Friday February 28, 2025 , 2 min Read

சீனா மீதான அமெரிக்காவின் புதிய வரிவிதிப்பின் விளைவாக சர்வதேச அளவில் பங்குச் சந்தைகளில் வீழ்ச்சி நிலவுகிறது. இதன் தாக்கமே இந்தியப் பங்குச் சந்தைகளிலும் எதிரொலித்து வருகிறது. சென்செக்ஸ் கிட்டத்தட்ட 1000 புள்ளிகள் வீழ்ச்சி கண்டன.

மும்பை பங்குச் சந்தையில் இன்று (பிப்.28) காலை வர்த்தகம் தொடங்கும்போது, சென்செக்ஸ் 790.87 புள்ளிகள் சரிந்து 73,821.56 ஆக இருந்தது. அதேவேளையில், தேசிய பங்குச் சந்தையில் நிஃப்டி 231.15 புள்ளிகள் சரிந்து 22,313.90 ஆக இருந்தது.

உள்ளூர் போக்குகளால் சற்றே மீண்டு வந்த இந்தியப் பங்குச் சந்தை மீண்டும் படுபாதாளம் நோக்கி நகர்வது முதலீட்டாளர்கள் மத்தியில் பெரும் கலக்கத்தை ஏற்படுத்தியுள்ளது.

இன்று முற்பகல் 11.10 மணியளவில் சென்செக்ஸ் 972.40 புள்ளிகள் (1.30%) சரிந்து 73,640.03 ஆகவும், நிஃப்டி 290.20 புள்ளிகள் (1.29%) சரிந்து 22,254.85 ஆகவும் இருந்தது.

காரணம் என்ன?

அமெரிக்க பங்குச் சந்தை வர்த்தகம் வீழ்ச்சியுடன் நிறைவு பெற்றது. ஆசிய பங்குச் சந்தைகளைப் பொறுத்தவரையில் டோக்கியோ, சியோல், ஷாங்காய் மற்றும் ஹாங்காங் என அனைத்திலும் கடும் சரிவு நிலவுகிறது. இந்த சர்வதேச சந்தைகளின் தாக்கமும் இந்திய பங்குச் சந்தைகளில் எதிரொலித்து வருகிறது.

குறிப்பாக, சீனா மீது புதிதாக 10 சதவீத இறக்குமதி வரியை அமெரிக்க அதிபர் ட்ரம்ப் அரசு விதித்திருப்பதன் எதிரொலியாக, சர்வதேச அளவில் பங்குச் சந்தைகளில் பெரும் வீழ்ச்சியை ஏற்படுத்தி உள்ளது. இதில், மும்பை மற்றும் தேசிய பங்குச் சந்தையும் தப்பவில்லை.

ஏற்றம் காணும் பங்குகள்:

ஆக்சிஸ் பேங்க்

ரிலையன்ஸ் இண்டஸ்ட்ரீஸ்

ஹெச்டிஎஃப்சி பேங்க்

அல்ட்ராடெக் சிமெண்ட்ஸ்

இறங்கு முகம் காணும் பங்குகள்:

இன்போசிஸ்

எஸ்பிஐ

டாடா ஸ்டீல்

ஏசியன் பெயின்ட்ஸ்

டிசிஎஸ்

கோடக் மஹிந்திரா பேங்க்