Gold Rate Chennai: ஏறிய வேகத்தில் இறங்கிய தங்கம் விலை - நிலவரம் சொல்வது என்ன?

ஆபரணத் தங்கத்தின் விலை கடந்த இரு தினங்களில் மட்டும் சவரனுக்கு ரூ.1,000 அதிகரித்து அதிர்ச்சியூட்டிய நிலையில், தற்போது ஓரளவு குறைந்து இருப்பது நகை வாங்க விழைவோருக்கு நற்செய்தியாக உள்ளது. ஆனால், இந்த விலை குறைவுப் போக்கு தொடருமா என்ற சந்தேகமும் எழுந்துள்ளது.

சென்னையில் வியாழக்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.55 உயர்ந்து ரூ.8,065 ஆகவும், ஒரு சவரன் விலை ரூ.440 உயர்ந்து ரூ.64,520 ஆகவும் இருந்தது. அதேபோல், 24 காரட் சுத்தத் தங்கம் 1 கிராம் விலை ரூ.60 உயர்ந்து ரூ.8,798 ஆகவும், சவரன் விலை ரூ.480 உயர்ந்து ரூ.70,384 ஆகவும் இருந்தது.

தங்கம் விலை நிலவரம் - வியாழக்கிழமை (6.3.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.45 குறைந்து ரூ.8,020 ஆகவும், ஒரு சவரன் விலை ரூ.360 குறைந்து ரூ.64,160 ஆகவும் உள்ளது. அதேபோல், 24 காரட் சுத்தத் தங்கம் 1 கிராம் விலை ரூ.49 குறைந்து ரூ.8,749 ஆகவும், சவரன் விலை ரூ.392 குறைந்து ரூ.69,992 ஆகவும் இருக்கிறது.

வெள்ளி விலை:

சென்னையில் இன்று (6.3.2025) 1 கிராம் வெள்ளி விலை 10 பைசா குறைந்து ரூ.106.90 ஆகவும், ஒரு கிலோ வெள்ளி விலை ரூ.100 குறைந்து ரூ.1,06,900 ஆகவும் விற்பனை ஆகிறது.

காரணம் என்ன?

சர்வதேச பொருளாதார சூழல், ரூபாய் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. தற்போது டாலருக்கு நிகரான ரூபாய் மதிப்பு பெரிதாக மாற்றமின்றி காணப்படுகிறது. சர்வதேச வர்த்தகப் போக்குகள் தடுமாற்றத்தில் இருந்தாலும், உள்ளூர் பங்குச் சந்தைகளில் மீண்டும் முதலீடு அதிகரித்துள்ளதால், தங்கம் மீதான முதலீடு சற்றே குறைந்துள்ளது. இதன் எதிரொலியாக, எகிறி வந்த தங்கம் விலை சற்றே அடங்கியுள்ளது. ஆனால், இந்தப் போக்கு தொடருமா என்பது சந்தேகமே என்கின்றனர் வர்த்தகர்கள்.

தங்கம் விலை @ சென்னை

> 22 காரட் தங்கம் 1 கிராம் - ரூ.8,020 (ரூ.45 குறைவு)

> 22 காரட் தங்கம் 8 கிராம் - ரூ.64,160 (ரூ.360 குறைவு)

> 24 காரட் தங்கம் 1 கிராம் - ரூ.8,749 (ரூ.49 குறைவு)

> 24 காரட் தங்கம் 8 கிராம் - ரூ.69,922 (ரூ.392 குறைவு)

தங்கம் விலை @ மும்பை

> 22 காரட் தங்கம் 1 கிராம் - ரூ.8,020 (ரூ.45 குறைவு)

> 22 காரட் தங்கம் 8 கிராம் - ரூ.64,160 (ரூ.360 குறைவு)

> 24 காரட் தங்கம் 1 கிராம் - ரூ.8,749 (ரூ.49 குறைவு)

> 24 காரட் தங்கம் 8 கிராம் - ரூ.69,922 (ரூ.392 குறைவு)